طرطوري العزيز

اثبت الرئيس محمد مرسي و حاشيته بل عشيرته انه خيال مآتة ! 

مصر حاليا دولة بلا رئيس ، بلا حكومة 

ايها الطرطور،، 

مستني كام شهيد عشان تمشي بكرامتك ؟ او اللي فضل منها 

كام مواطن يتهان عشان تمشي ؟ 

البلطجية و الخارجين على القانون اللي بتلزقوا فيهم اي مصيبة 

انتوا اللي عملتوهم ! 

شجعتوهم في ثورة يناير ٢٠١١ على حرق الاقسام و اقتحام السجون 

عشان يطلعوكوا و دلوقتي بتعاقبهم ؟؟ 

بس ارجع اقول رئيس رد سجون مستنين منه ايه !! 

يسقط الاخوان المجرمون ب طراطيرهم 

السبات الشتوي

اكتفي ب متابعة الاحداث من عالكنبة للأني للأسف مش في مصر 

بس حبيت اساعد الناس و اجاوب على سؤالهم 

" اين الرئيس مرسي مبارك ؟؟ " 

يدخل حيوان الدب و بعض من " الثديات " 

في سبات شتوي في الشتاء 

هروبا من برودة الجو و غضب الثوار ! 

و عملية السبات الشتوي بتبقى جماعية 

يعني مثلا مثلا 

هو و وزرائه كلهم ، مع اختلاف الاماكن 

زي هشام قنديل اللي اختار سويسرا مكانا لسباته ! 

و ربنا ينتعك بالسلامة يا ريسنا 

Ask.fm

آسك اف ام 

في يوما ما كان الشعب المصري يقولك داري على شمعتك تقيد

و كانو في نفس اليوما ما بيخبوا على بعض و خبث بقى و نفسنة 

فجأة نفس ذات الشعب بقى صريح و معندوش اسرار 

و عنده استعداد يشرد نفسه عادي 

و كل واحد ماسك على واحد ذلة يطلعها 

و الغسيل اتنشر و ايووووه بقى على رأي الاسكندرانية 

نسيت اقولكو ان الشعب دة انا منه ... اه والله 

بتسأل و برد عاااادي 

الى كل واحد سألني سؤال رخم و معجبنيش احب اقوله 

عارفاااااك و هجيييييبك 

نرجع نقول الفاضي يعمل acc. على ask.fm 

صوت القطر

عارف صوت القطر ؟ اه ؟ 

انا بقولك لا 

عارف صوت القطر بعد ما مرسي حط الtouch بتاعه ؟ 

اقولك انا 

صوت اشلاء بتتقطع تحت قضبان سكة حديد 

عادي ايه الجديد 

اتعودنا عالصوت دة ! نحسنا !! 

عارف يعني ايه 

كل يوم تسمع عن وفيات جديدة 

قطر لا اتوبيس لا انهيار عقار 

تتأثر ساعة اتنين و لو وطني حبتين 

هتتأثر يوم 

و ترجع تكمل حياتك 

لحد ما تفكرك حادثة جديدة 

فرقت ايه عنهم ؟ سكوتك معناه ايه ؟؟ 

اقولك انا ؟ 

مبروك عليك 

بقيت منهم....... " الاخوان المجرمين " 

كلـــه بينفســـــن

صـــادق يــابو الليــف واللــــه

" ايـــه اللــي حصــل "
أكـــتر كلمـــة سمعتهــــا الاســـبوع دة
ليـــه مفيــش أي احتــرام لخصــوصيــات الشخــص في المجتمــع المصــري ؟؟
أو يمكــن في مجتمعنــا احنــا بــس ..

ليــه مطلــوب منــي انشــر اخبــاري و اجــرح في الطــرف التــاني مثلا
عشــان ارضيكـــوا ؟؟
ليــه ماينفعــش الحــوار يتقفــل ب احتــرام و أدب ؟؟
و علــى فكــرة زنــك و الحــاحك عمــرهم ما هيــزهقــوني ف هحكيــلك مثلا

يــا رب اشفــي كل بنــت مصــرية من داء الفضــول و النفسنـــة
آميـــــــــــــــــن

مــش أهـــم حــاجة رجعتلكـــوا ؟ 
و راجعــة بـ قــوة ب إذن اللــــه

الخـــــزعبـــلات

اللــي يقــولك المــصرييــن شعــب متـدين بطبـــعه قــولـه انــت كــداب ابــن تــــــــــيــــــت
المصــرييــن شعــب فتــاي..هـل تعــلم معنــى فتــاي ؟؟
بيــحب الفتــى و التــأليــف و الخــزعبـــلات
عنــدنا معتــقدات و حــركـات غــريبة حتــى أنــا بعملهــا عـلى فكــرة
بــس أكــيد من بــاب الهــزار
انــا و واحــدة صحبتــي قـولنــا حاجــة ف نفــس الوقــت
تــلاقينــا بنجــري زي المجــانين علـى حــاجة حمـرا
أو نقــرص بــعض لــحد مـا نزرق !!
مــثلا لــما واحــدة تـقول حـاجة من بــاب التــشاؤم
و اللــي قدامهــا يــقولها تفــي من بــقك !
هيبــقى ايــه موقفــك لــو تفــت من بــقها فعلا ؟!
هيبــقى بـــلبــل مبــلول خــالـص
مــابفهمـش النــاس اللــي بتتــقي شــر الحاســدين
ب انــه يخبط علــى حــاجة خشــب !!
بتــلق يا كـابتــن ؟
رغـــم الحــاجات الغــريبة اللي ف ثــقافتنــا
أنــا بشــوفهـا حاجــات دمهـــا خفــيف و مسلـــية
أصـــــــلاً أصـــــــلاً احنــا شعـــب ابــن نكتــــــة  (=

مــاتـــــدورش

فـي ناس ليـهم مكــانة خــاصة فـي قلــوبنــا
كــلنـا عندنــا الشخـص اللــي غصــب عننــا بـقى جـزء من حيــاتنا
طـيب لــو الشخــص دة بــعد هتعمــل ايــــه ؟
أقـــولـك أنــا ... ولا أي حــــاجـة

هتــموت يعنــــي ؟؟
دة الــواحــد أهــله بيمــوتوا و بينـــسى و بينــشغل في حيــاته
بــلاش تــفكر و تــدور فـي الاســباب
دة نصــيب مكــتوبــلك و قـدر اللــه ماشــاء فعل
انـت مـش هتغــير في نصــيبك و قــدرك

و اللــي يســيبك و يمــشي اكــسر وراها زيـــــر و غيـــره هييجــي (=