الخـــــزعبـــلات

اللــي يقــولك المــصرييــن شعــب متـدين بطبـــعه قــولـه انــت كــداب ابــن تــــــــــيــــــت
المصــرييــن شعــب فتــاي..هـل تعــلم معنــى فتــاي ؟؟
بيــحب الفتــى و التــأليــف و الخــزعبـــلات
عنــدنا معتــقدات و حــركـات غــريبة حتــى أنــا بعملهــا عـلى فكــرة
بــس أكــيد من بــاب الهــزار
انــا و واحــدة صحبتــي قـولنــا حاجــة ف نفــس الوقــت
تــلاقينــا بنجــري زي المجــانين علـى حــاجة حمـرا
أو نقــرص بــعض لــحد مـا نزرق !!
مــثلا لــما واحــدة تـقول حـاجة من بــاب التــشاؤم
و اللــي قدامهــا يــقولها تفــي من بــقك !
هيبــقى ايــه موقفــك لــو تفــت من بــقها فعلا ؟!
هيبــقى بـــلبــل مبــلول خــالـص
مــابفهمـش النــاس اللــي بتتــقي شــر الحاســدين
ب انــه يخبط علــى حــاجة خشــب !!
بتــلق يا كـابتــن ؟
رغـــم الحــاجات الغــريبة اللي ف ثــقافتنــا
أنــا بشــوفهـا حاجــات دمهـــا خفــيف و مسلـــية
أصـــــــلاً أصـــــــلاً احنــا شعـــب ابــن نكتــــــة  (=

مــاتـــــدورش

فـي ناس ليـهم مكــانة خــاصة فـي قلــوبنــا
كــلنـا عندنــا الشخـص اللــي غصــب عننــا بـقى جـزء من حيــاتنا
طـيب لــو الشخــص دة بــعد هتعمــل ايــــه ؟
أقـــولـك أنــا ... ولا أي حــــاجـة

هتــموت يعنــــي ؟؟
دة الــواحــد أهــله بيمــوتوا و بينـــسى و بينــشغل في حيــاته
بــلاش تــفكر و تــدور فـي الاســباب
دة نصــيب مكــتوبــلك و قـدر اللــه ماشــاء فعل
انـت مـش هتغــير في نصــيبك و قــدرك

و اللــي يســيبك و يمــشي اكــسر وراها زيـــــر و غيـــره هييجــي (=

العيــد || كـــان || فـــرحة

كـل سنـة و انــتو طيبــين و عيـد سعيــد
من موقعــي هــذا السـاعة الـثـالثـة عصــراّ أول يـوم عيـد
أحــب اقــولكوا انـي مش حـاسة ب العيــد اساسا !
أنـا تـوصــلت لحـاجة الا و هــى ان فــرحة العيــد او الاحسـاس بيـه عمومـاً بيقــل تدريجـيا كـل مـا نكبــر
و البــراءة بتتلاشــى تدريــجياً..

زمــان العيــد بالنســبالي بلاليــن و العــب مع اصحـابي و العيــدية اللـي مكنـش بيفــرق معـايا ســاعتها كــانت كـام !
أمـا دلوقتــي ف العيــد بالنســبالي زحمــة و وجـع سنـان من أكـل الكحك
و زيــارات عـائليــة ممــلة !
و طبعــاً مع مــرور الوقــت و لمــا تكبــر و تبقـى بغــل
يظهــر فيــك الجـانب المــادي الحقيــر اللي هـو فيــا أنا شخصيــا
و العيــدية بتــاعة زمـان الرمـزية اللـي مـاكنتش بتــفرق معــاك
بقــى دلــوقتـي كــل همــك هتلـــم كــام... زيــي كــدة بظبــط
مــاطولـش عليكــوا
فــي طبــق كحــك و غــريبــة بينــادينـي و هتحصــل مجــزرة دلــوقتــي
ســــامو عليـــــــكوا (=

الســـن الــــتؤيــبي

الكـــلمة اللــي جننــت نص الشعـــب المصـــري الســنادي فــي رمضــان
و بــعد البحــث و التــدقـيق تــوصـلت للمعنـــى اللــي هـو ســن النـحلة أو ســـن الدبـــور
و اللـي توصــلت ليــه كمــان انهــا لعبــة كـان بيلعبــها الأطفــال زمــان ,
شــايفيــن اطفــال زمـــان كـانوا بيلعبــــوا بــ ايــه
دة اســـم اللعبـــة لـــوحده عايــز بـــحث فـي المعجـــم !

كنــت مستغــربة جــداً الحيـــرة و الفضــول اللـي النــاس فيـه عشــان الكلمــة دي
قــال يعنــي خلاص فاهميـــن كــل الأغنيــة ب النــوبـي و اللهجــة البــدويـة اللي فيهـــا عشان تمسكــوا في الكلمـــة دي
ولا يمكــن عشــان اغنيـــة شعبــي و كــدة ؟!
آه يـــا خـــــــلابيــــص

طــب لمــا يا فكيــك انــت و هو ليكــو في الشعبـــي أوي كــدة مــالفتـش نظــركـوا اســامي الأغــاني الغــريبـة ؟
تقـــدر تقــوللـي يعنــي ايـــه " سنجفــــلـــة " ؟!!
دة اســم اغنيــة بس مــاعملتــوش الـدوشـــة دي
مــــن الآخــــر كــدة احنـــا شعـــب بييــجي في الــهايفـــة و يتصـــدر

و يــا ريــت اللــي يــوصــل لمعنـــى كلمـــة سنجفـــلة يقــوللــي
أصلـــي متــوغـــوشــــة أوي..

يــا نــاس يــا شــر كفــاية قـــر

صحيــت انهـردة لقيــت صــوتي رايـح و زوري واجعنــي و حاجــات غريـبة كــدة
عــارفيـــن ليــــــــــه ؟
مـش مـن التكييــف ولا عشــان وقفــت و شعــري مبلــول قــدام مــروحــة
عشــــان انــتوا عنيــكوا وحشــة !
حســــــــــدونـي بـزيادة علـى رأي الكينـــج ..

اي وقعـــت --- محــسودة يـا حبيبتـــي
عنـــدي بـرد --- محســـودة يــا عنيــا
ضــافري ااتكســـر --- محـــسودة يا قلبــي !!
كــل ما يحصلنــا حاجــة نقــول حســد
انــتو فاهميــنه غلط علــى فكـــرة , لــما تنطسي فــ نظــرك كــدة يـا بعيــدة ولا رقبتــك تتكســر
ســاعتها قــولي حســد ..

لمــا تفضـل مركــز فـ كل حاجـة بتحصــلك و تنسبــها انــك محســود
- علـــى ايــــــه يـــا أموووووووووووور -
انـــت اللــي هتتعـــب , سيـــبهــا علــى اللـــه و Get a life  (=

احــــــم احــــــــم

 اس اس 1 2 3
اسسسسسسسسسس
شغــال يــا كـــابتــن ؟..........طيـــب

انــهاردة قــررت انضــم الـى الفئـــة التــى تــدعـى بلـوجرززز
مـش حبـاً فـي الفكـرة أبســـلوتــلـي انمــا عشــان امــلى الــBio علــى تــويتـر مـش اكتــر و لعــل و عســى الاقــي
الجــانب المــوهــوب المــدفون جــوة العكــروتــة
هــل تعــلم أنـي مـش بعتــرف اصـلاً بـالتــدويـن و البلــوجز و كــدة !
الكتـــابـة لو مكــانتـش بــ ورقــة و قلـــم و اقـــطع و اشخبـــط مــاتبقــاش كتــابـة
و دة رأي المتـــواضــع جــداً...

و كفـــايـــــــة كـــــــدة كــ بــــدايـــة  (=